Ce document contient le Symbole d'Athanase en langue luo parlée au Kenya et en Tanzanie.

2 pages.

Le Symbole d’Athanase en langue luo Yie Mar Athanasio

  1. Ng’at ang’ata manoresi kata war, kapok gik moko duto onego omak yie mar Katholik.

  2. Ma ka ng’at ang’ata ok orito te kendo maler, en otho nyaka chieng’ ma onge kiawa.

  3. Yie mar katholik em ma: Ni walamo Nyasaye achiel e keche, keche bende nitie e achiel;

  4. Ok wagweny kechegi kendo ok wapog gima gin.

  5. nikech nitiere jal ma Wuoro, Wuowi kendo moro Roho Maler

  6. To keche mar Wuoro, Wuowi, gi Roho Maler, en achiel, duong’ marom, teko mosiko marom.

  7. Kaka Wuoro en, e kaka Wuowi kendo e kaka Roho Maler.

  8. Wuoro ne ok ochue, Wuowi ok ochue, Roho Maler be ok ochue.

  9. Wuoro en midhiero, Wuowi midhiero, Roho Maler midhiero.

  10. Wuoro mosiko, Wuowi mosiko, Roho Maler mosiko.

  11. To ok gin adek mosiko, mak mana achiel mosiko.

  12. Bende ok gin adek mochue, kata adek ma midhiero; to achiel ma ok ochue, kendo achiel ma midhiero.

  13. Mano bende Wuoro en Manyalo duto, Roho Manyalo duto.

  14. To ok gin adek Manyalo duto, en achiel Manyalo duto.

  15. Koro Wuoro en Nyasaye, Wuowi en Nyasaye, Roho Maler en Nyasaye.

  16. To ok gin Nyiseche adek, to Nyasaye achiel.

  17. Bende Wuoro en Ruoth, Wuowi Ruoth, kendo Roho Maler Ruoth

  18. To ok gin Ruodhi adek, to Ruoth achiel

  19. Mana kaka ochuno e bedo ja Kristo hie mondo wang’e moro ka moro owuon obed Nyasaye kendo Ruoth

  20. Koro okwerwa gi dini mar katholik mondo kik wawachi niya: Nitie Nyiseche adek kata Ruodhi adek

  21. Wuoro ne ok olosi gi ng’ato, bende ne ok ochueye kata nyuole.

  22. Wuowi en mar Wuoro kende; ok olose kata chueye,to onyuole.

  23. Roho Maler en mar Wuoro gi Wuowi; ok olose kata chueye, kata nyuole, to noa kuom

  24. Koro nitie Wuoro achiel, ok Wuoro adek; Wuowi achiel, ok Wuowi adek; Roho Maler achiel, ok Roho Maler adek

  25. Ei keche ne onge mane okwongo betie kapok machielo, kata mohewo machielo; onge moloyo machielo, kata matin ne machielo

  26. Giduto adek gin mosiko kendo marom

  27. Mondo kuom gik moko duto, kaka osewachi, bedo e achiel ei keche, kendo keche ei bedo achiel mondo olam.

  28. Ng’atno mane war nyaka par kuom keche

  29. Kendo owinjore ne warruok mosiko mondo oyie kuom lokruok e kido mar Ruodhwa Yesu Kristo

  30. Nikech yie mowinjore en ni wayie kendo wahul ni Ruodhwa Yesu Kristo, Wuod Nyasaye, en Nyasaye kendo dhano

  31. Nyasaye mar adier ma Wuoro, monyuol kapok pinje obetie; molos adier kuom min gi, monyuol e piny

  32. Nyasaye chutho kendo dhano chutho, man gi chuny kendo ringruog dhano moromo

  33. Maromre gi Wuoro ei keche, matin ne Wuoro kuom bedo dhano

  34. Ma, kata obedo ni en Nyasaye kendo dhano, to ok en ariyo, to Kristo achiel.

  35. Achiel, ma otim keche bedo ringruok, to okaw dhano obet Nyasaye

  36. Achiel gin te, ok kuom gwenyruok, to kuom bedo achiel mar kido kata ng’ato

  37. Nikech chuny gi ringruok en ng’at achiel, kamano bende Nyasaye gi dhano en Kristo achiel

  38. Mane osandore nikech warruok-wa, nolor e piny joma otho;

  39. Ne odum e polo, obet e bat korachwich mar Wuoro, Nyasaye Manyalo-Duto

  40. Koa kanyo obiro ng’ado bura ne joma ngima gi motho,

  41. Duoke ji duto nochier mar ariyo gi ringregi

  42. Kendo nodwok penjo kuomgi giwegi kuom timbegi kata tijgi

  43. Kendo jogo mosetimo maber nodhi e ngima mosiko, to motimo marach e mach mosiko.

  44. Ma e yie mar Katholik, ma ka ng’ato ok oyie kuome gadier, ok nyal rese kata ware.